Skip to main content
x

የዲፕሎማቲክ ማኅበረሰቡ ተረጋግቶ ሥራውን እንዲያከናውን የውጭ ጉዳይ ሚኒስትሩ ማሳሰቢያ ሰጡ

በአገሪቱ በተፈጠሩ ወቅታዊ የፖለቲካ ጉዳዮችንና የአስቸኳይ ጊዜ አዋጁን በተመለከተ በአዲስ አበባ ለሚገኙ የዲፕሎማቲክ ማኅበረሰብ ማክሰኞ የካቲት 13 ቀን 2010 ዓ.ም. ማብራሪያ የሰጡት የውጭ ጉዳይ ሚኒስትሩ ወርቅነህ ገበየሁ (ዶ/ር)፣ አሁን በተፈጠሩት የፖለቲካ አለመረጋጋቶችና ለውጦች የዲፕሎማቲክ ማኅበረሰቡ ሥጋት ሊገባው እንደማይገባ አሳሰቡ፡፡

30ኛው የአፍሪካ ኅብረት የመሪዎች ጉባዔና የአኅጉሪቱን ሁለንተናዊ ችግሮች ለመፍታት ቁርጠኝነት ማጣት

የአሁኑ የአፍሪካ ኅብረት፣ የቀድሞው የአፍሪካ አንድነት ድርጅት የተቋቋመው በ1955 ዓ.ም. በአዲስ አበባ ነው፡፡ ድርጅቱ ለመጀመርያ ጊዜ የተቋቋመው በ32 የአፍሪካ አገሮች ነው፡፡ ኅብረቱ ደቡብ አፍሪካ አባል እስከሆነችበት እ.ኤ.አ 1994 ድረስ 53 አገሮችን በአባልነት የያዘ ነበር፡፡ በአሁኑ ወቅት 55 አገሮችን ያቀፈ አኅጉራዊ ድርጅት ቢሆንም፣ ከእነዚህ መካከል በኅብረቱ ንቁ ተሳትፎ የሌላቸው አገሮች ይገኙበታል፡፡

የደቡብ ሱዳን አዲሱ የተኩስ አቁም ስምምነትና የተደቀነው ሥጋት

የደቡብ ሱዳን ተቀናቃኝ የፖለቲካ ኃይሎች ወደ እርስ በርስ ጦርነት ካመሩ አራት ዓመታት አለፉ፡፡ ይህ ግጭት ቆሞ በአገሪቱ ሰላምና መረጋጋት እንዲሰፍን ለማድረግ የተለያዩ ጥረቶች ሲደረጉ ቆይተዋል፡፡ በተለይ የምሥራቅ አፍሪካ የልማት በየነ መንግሥታት (ኢጋድ) ሁለቱ ኃይሎች ያነገቡትን መሣሪያ በመጣል፣ ወደ ጠረጴዛ ውይይት እንዲመጡ ተደጋጋሚ ጥረት በማድረግ ተጠቃሽ ነው፡፡