Skip to main content
x

የፈረንሣይ ኩባንያ በ50 ሚሊዮን ዶላር 60 ሺሕ ቶን ብቅል የሚያመርት ፋብሪካ ለመትከል ተስማማ

ሱፍሌ የተባለው ታዋቂ የፈረንሣይ ኩባንያ በኢትዮጵያ 60 ሺሕ ቶን ብቅል የማምረት አቅም ያለው ፋብሪካ በ50 ሚሊዮን ዶላር ፋብሪካ ለመትከል የመሬት ሊዝ ስምምነት ፈረመ፡፡ ፋብሪካው በአንድ ዓመት ውስጥ ተገንብቶ ሥራ እንደሚጀምር ይጠበቃል፡፡ ማልቲየረስ ሱፍሌ ኩባንያ በገብስ፣ በስንዴና በጥራጥሬ እህሎች አምራችነት የሚታወቅ የቤተሰብ ኩባንያ ሲሆን፣ ወደ ኢትዮጵያ በመምጣት የብቅል ፋብሪካ ለመገንባት የተስማማ ሁለተኛው የአውሮፓ ኩባንያ ሆኗል፡፡

ዓለም አቀፉ የሠራተኛ ማኅበራት ኮንፌዴሬሽን የኢትዮጵያን የሠራተኞች ደመወዝ ብዝበዛ ነው ሲል ወቀሰ

የዓለም አቀፍ የሠራተኛ ማኅበራት ኮንፌዴሬሽን የኢንዱስትሪ ባለቤቶች ለሠራተኞቻቸው የሚከፍሏቸው ክፍያዎች ዝቅተኛ በመሆናቸው ወቀሳ ሰነዘረ፡፡ የኮንፌዴሬሽኑ ዋና ጸሐፊ ሳሃራ ባሮው በአዲስ አበባ በተዘጋጀው የሠራተኛ ዝቅተኛ ክፍያ የውይይት መድረክን ዛሬ ጥር 9 ቀን 2010 ዓ.ም. ሲያስጀምሩ እንዳሉት፣ የሺ የምትባል የሦስት ልጆች እናት ሠራተኞችን አግኝተው እንዳነጋገሩና በወር 600 ብር (20 ዶላር) እንደሚከፈላት እንዳወቁ ተናግረው፣ እንደ የሺ ያሉ ሠራተኞች ሊያኖራቸው የሚችል ክፍያ ሊከፈላቸው እንደሚገባና ይህም ለየትኛውም አገር ወሳኝ እንደሆነ አስረድተዋል፡፡