Skip to main content
x

ለአዲስ አበባ ከተማ መንገዶች ባለሥልጣን ዋና ዳይሬክተር ተሾመለት

የአዲስ አበባ ከተማ መንገዶች ባለሥልጣንን በዋና ዳይሬክተርነት ሲመሩ በቆዩትና በቅርቡ የኢትዮጵያ መንገዶች ባለሥልጣን ዋና ዳይሬክተር ሆነው በተሾሙት አቶ ሀብታሙ ተገኘ (ኢንጂነር) ምትክ፣ አቶ ሞገስ ጥበበ (ኢንጂነር) ተሾሙ፡፡

የአዲስ አበባ ከተማ ሹም ሽር ወደ ታችኛው መዋቅር ሊሸጋገር ነው

በአዲስ አበባ ከተማ አስተዳደር እየተካሄደ የሚገኘው የአመራሮች ሹም ሽር፣ ከማዕከል ወደ ክፍላተ ከተሞችና ወረዳዎች ሊሸጋገር ነው፡፡ በዚህ ሳምንት በአሥሩም ክፍላተ ከተሞችና በ116 ወረዳዎች በዋና ሥራ አስፈጻሚ፣ በምክትል ዋና ሥራ አስፈጻሚና በመሬት ልማትና ማኔጅመንት ጽሕፈት ቤት ኃላፊነቶች ላይ ሹም ሽር እንደሚካሄድ ታውቋል፡፡

የአዲስ አበባ ከተማ ቁልፍ ቦታዎችን ይዘው የቆዩ ሁለት ባለሥልጣናት ተነሱ

ላለፉት አሥር ዓመታት በአዲስ አበባ ከተማ አስተዳደር ቁልፍ ቦታዎችን ይዘው ሲመሩ የቆዩት አቶ ተወልደ ገብረ ፃድቃንና አቶ ኃይሌ ፍሰሐ ከሥልጣናቸው ተነሱ፡፡ አቶ ተወልደ በምክትል ከንቲባ ማዕረግ የአዲስ አበባ ከተማ አስተዳደር የሕዝብ ግንኙነት ዋና አማካሪ፣ እንዲሁም በከተማው ሙሉ ሥልጣን ያለው የአዲስ አበባ ኢሕአዴግ ጽሕፈት ቤት ኃላፊ ሆነው ሲሠሩ ቆይተዋል፡፡

የአዲስ አበባ ከተማ አስተዳደር የካቢኔ ሹም ሽር አካሄደ

ዓርብ ነሐሴ 4 ቀን 2010 ዓ.ም. አስቸኳይ ስብሰባ የተጠራው የአዲስ አበባ ከተማ ምክር ቤት፣ መሠረታዊ በሚባል ደረጃ የካቢኔ ሹም ሽር አካሄደ፡፡ በዕለቱ ሹመት ከተሰጣቸው 18 የቢሮ ኃላፊዎች መካከል አራቱ ብቻ ነባር ሲሆኑ፣ የተቀሩት በሙሉ አዳዲስ ተሿሚዎች ናቸው፡፡

አቶ ግርማ ብሩ የብሔራዊ ባንክ ቦርድ ሰብሳቢ ሆኑ

በአሜሪካ የኢትዮጵያ አምባሳደር የነበሩት አቶ ግርማ ብሩ፣ በጠቅላይ ሚኒስትር ዓብይ አህመድ (ዶ/ር) የኢትዮጵያ ብሔራዊ ብንክ ቦርድ ሊቀመንበር እንዲሆኑ ተሰየሙ፡፡ የቀድሞ የኢትዮጵያ ብሔራዊ ባንክ ገዥን ጨምሮ ሦስት የመንግሥት ኃላፊዎች፣ በቦርድ አባልነት እንዲያገለግሉ ተመድበዋል፡፡

በመንገዶች ባለሥልጣንና በትራንስፖርት ሚኒስቴር አዳዲስ ሹመቶች ተሰጡ

የአዲስ አበባ መንገዶች ባለሥልጣን ዋና ሥራ አስኪያጅ በመሆን ሲያገለግሉ የቆዩት አቶ ሀብታሙ ተገኝ (ኢንጂነር) የኢትዮጵያ መንገዶች ባለሥልጣን ዋና ሥራ አስፈጻሚ ሆነው መሾማቸው ታወቀ፡፡ የኢትዮጵያ መንገዶች ባለሥልጣን ዋና ሥራ አስፈጻሚ የነበሩት አቶ አርዓያ ግርማይ ደግሞ የትራንስፖርት ሚኒስቴር ሚኒስትር ዴኤታ ሆነው እንዲያገለግሉ መሾማቸው ታውቋል፡፡

ለአቶ ሀብታሙ የተጻፈላቸው ደብዳቤ ከሐሙስ ሐምሌ 12 ቀን 2010 ዓ.ም. ጀምሮ በአዲሱ የኃላፊነት ቦታ እንዲያገግሉ የሚረጋግጥ መሆኑንም ለማወቅ ተችሏል፡፡

የኢትዮ ቴሌኮም ዋና ሥራ አስፈጻሚ በቀድሞ የተቋሙ ምክትል ሥራ አስፈጻሚ ተተኩ

የኢትዮ ቴሌኮም ዋና ሥራ አስፈጻሚ አንዷለም አድማሴ (ዶ/ር) ከኃላፊነታቸው ተነስተው በምትካቸው የቀድሞ የተቋሙ ምክትል ሥራ አስፈጻሚ የነበሩት ወ/ት ፍሬሕይወት ታምሩ ተተክተዋል፡፡

የሪፖርተር ምንጮች እንደገለጹት፣ የኢትዮ ቴሌኮም ቺፍ ኦፕሬሽን ኦፊሰር የነበሩት አቶ ኢሳያስ ዳኘው ተነስተው፣ በምትካቸው ቺፍ ቴክኖሎጂ ኦፊሰር የነበሩት አቶ አማረ አሰፋ ተተክተዋል፡፡

የኦሮሚያ የቀድሞ ሹም አዲስ አበባን በምክትል ከንቲባነት ይመራሉ

በኦሮሚያ ክልል በተለያዩ ኃላፊነቶች ያገለገሉት አቶ ታከለ ኡማ (ኢንጂነር)፣ በምክትል ከንቲባነት አዲስ አበባን እንዲያስተዳድሩ ተሾሙ፡፡ በቅርቡ በተሻሻለው የአዲስ አበባ ከተማ ቻርተር መሠረት የአዲስ አበባ ከተማ ምክር ቤት አባል ያልሆነ ምክትል ከንቲባ መሆን ችለዋል፡፡

አዲስ አበባ በምክትል ከንቲባ ልትመራ ነው

በቅርቡ በተሻሻለው የአዲስ አበባ ከተማ ቻርተር መሠረት፣ የአዲስ አበባ ከተማ ምክር ቤት አባል ያልሆኑ ምክትል ከንቲባ ተሾሙ፡፡ በምክትል ከንቲባነት የተሾሙት አቶ ታከለ ኩማ (ኢንጂነር) ሲሆኑ፣ እሳቸው የከተማውን ከንቲባ አቶ ድሪባ ኩማን በተመተካት ኃላፊነቱን ማክሰኞ ሐምሌ 10 ቀን 2010 ዓ.ም. ከቀትር በኋላ ተረክበዋል፡፡

አቶ ታከለ የኦሮሚያ ክልል ትራንስፖርት ቢሮ ኃላፊ የነበሩ ሲሆን፣ ቀደም ሲል የሱሉልታ ከተማ ዋና ሥራ አስኪያጅና የሆለታ ከተማ ከንቲባም ነበሩ፡፡ የሰበታ ከተማ ኢንዱስትሪና ትራንስፖርት ጽሕፈት ቤት ኃላፊ፣ የኦሮሚያ መሬት ልማትና ማኔጅመንት ቢሮ ኃላፊ በመሆን ሠርተዋል፡፡