Skip to main content
x

መንግሥት ኢትዮጵያ ጦሯን ከኤርትራ ድንበር አለማንሳቷን አስታወቀ

ኢትዮጵያ ጦሯን ከኤርትራ ድንበር እያነሳች ነው ተብሎ የተሰራጨው መረጃ ሐሰት ነው ሲል መንግሥት አስተባበለ፡፡ ባለፈው ሳምንት መጨረሻ አካባቢ በኢትዮጵያና በኤርትራ ድንበር በተለይም በሽራሮ ግንባር የሚገኘው ጦሯን ኢትዮጵያ እያነሳች እንደሆነ፣ በርካታ ቁጥር ያላቸው አውቶብሶችና ኦራል ወታደራዊ የጭነት ተሽከርካሪዎች ጦሩን ሲያጓጉዙ መታየታቸውን፣ በተለያዩ የማኅበራዊ ሚዲያዎች ሲሰራጭ ነበር፡፡

መንግሥትና ኦነግ በአስመራ የእርቅ ስምምነት ተፈራረሙ

መንግሥትና የኦሮሞ ነፃነት ግንባር (ኦነግ) በአስመራ የእርቅ ስምምነት ተፈራርመዋል፡፡ የኦሮሚያ ክልላዊ መንግሥት ርዕሰ መስተዳድር አቶ ለማ መገርሳና የኦሮሞ ነፃነት ግንባር (ኦነግ) ሊቀመንበር አቶ ዳውድ ኢብሳ፣ በኤርትራ ርዕሰ ከተማ አስመራ ማክሰኞ ነሐሴ 1 ቀን 2010 ዓ.ም. ስምምነቱን ተፈራርመዋል፡፡

ኢትዮጵያ ጂቡቲንና ኤርትራን ለማደራደር እንደምትፈልግ ለጂቡቲ መንግሥት አስታወቀች

ኢትዮጵያ ጂቡቲና ኤርትራ ድንበርን በተመለከተ አለመግባባታቸውን እንዲፈቱ፣ በአደራዳሪነት መሥራት እንደምትፈልግ ለጂቡቲ መንግሥት አስታወቀች፡፡ ይህ የተገለጸው ዓርብ ሐምሌ 27 ቀን 2010 ዓ.ም. ወቅታዊ ጉዳዮችን አስመልክተው የውጭ ጉዳይ ሚኒስቴር ቃል አቀባይ አቶ መለስ ዓለም መግለጫ በሰጡበት ወቅት ነው፡፡

አዲስ አስመራ አዲስ

ረቡዕ ሐምሌ 11 ቀን 2010 ዓ.ም. ታሪካዊ የኢትዮ ኤርትራ የዳግም ግንኙነት አብሳሪ ፀሐያዊት ዕለት፡፡ ከአዲስ አበባ አስመራ፣ ለሁለት አሠርታት ተቋርጦ የነበረው የሁለቱ አገሮች የሕዝብ ለሕዝብ ግንኙነት ዕውን ሊሆን፣ ከአዲስ አበባ ተነስቶ ወደ ኤርትራዊቷ መዲና አስመራ በበረራ ቁጥር ET 312 የሚደረገው በረራ በሰዓት ምናልባትም በደቂቃዎች የሚቆጠር ጊዜ ብቻ ቀርቷል፡፡

እንባ ያጀበው ቅልቅል

‹‹እንኳን ለቤትህ አበቃህ›› እያሉ አንዲት እናት እየጩኹ መሬቱን የሳሙት ልጃቸውን የያዘው የኢትዮጵያ አየር መንገድ ጄት አውሮፕላን ከ20 ዓመታት በኋላ ለመጀመርያ ጊዜ አስመራ ባረፈበት ጊዜ ነበር፡፡ ‹‹ወደይ፣ ወደይ፣ ኦህ ወደይ (ልጄ፣ ልጄ) እንኳን ለቤትህ አበቃህ›› ብለው እልልታቸውን አቀለጡት፡፡

ኢትዮጵያ የምፅዋን ወደብ በቅርቡ መጠቀም እንድትጀምር የሚያስችል ዝግጅት በመደረግ ላይ ነው

ኢትዮጵያና ኤርትራ በቅርቡ በመሀላቸው ሰላም ካሰፈኑ በኋላ የምፅዋ ወደብ ለኢትዮጵያ አገልግሎት ለመስጠት የሚያስችል በመሆኑ፣ አገልግሎቱን ለመጀመር በሁለቱም መንግሥታት በኩል ዝግጅቶች እየተደረጉ ነው፡፡

ፕሬዚዳንታዊ ሜዳሊያ ከተባበሩት ዓረብ ኤምሬትስ

ማክሰኞ ሐምሌ 17 ቀን 2010 ዓ.ም. የተባበሩት ዓረብ ኤምሬትስ ርዕሰ መዲና አቡዳቢ የተገኙት ጠቅላይ ሚኒስትር ዓብይ አህመድ (ዶ/ር) እና የኤርትራ ፕሬዚዳንት ኢሳያስ አፈወርቂ፣ በአልጋ ወራሽ ሼክ መሐመድ ቢን ዛይድ አል ነሃያን በአገሪቱ ከፍተኛው የተባለው ፕሬዚዳንታዊ ሜዳሊያ ተበርክቶላቸዋል፡፡

ኢትዮጵያውያን ባለሀብቶች ኤርትራን እየጎበኙ ነው

ኢትዮጵያ አየር መንገድ ለ20 ዓመታት አቋርጦ የነበረውን የአስመራ በረራ ረቡዕ ሐምሌ 11 ቀን 2010 ዓ.ም. ሲጀምር፣ በርካታ ኢትዮጵያውያን ባለሀብቶች በኤርትራ ያሉ የኢንቨስትመንትና የንግድ ዕድሎችን ለመመልከት በኤርትራ ጉብኝት በማድረግ ላይ ናቸው፡፡

የፕሬዚዳንት ኢሳያስ አፈወርቂ ሦስት ቀናት በአዲስ አበባ

ጠቅላይ ሚኒስትር ዓብይ አህመድ (ዶ/ር) መጋቢት 24 ቀን 2010 ዓ.ም. በፓርላማ ሲሰየሙ ባሰሙት ንግግር፣ ከኤርትራ መንግሥት ጋር ሰላም ለመፍጠርና በሁለቱ ወንድማማች አገሮች መካከል የነበረውን የጦርነት ታሪክ ምዕራፍ ለመዝጋት ቁርጠኛ መሆናቸውን፣ የኤርትራ መንግሥትም ተመሳሳይ ዕርምጃ እንዲወስድ ጥሪ አስተላልፈው ነበር፡፡

በኤርትራ ፕሬዚዳንት ግብዣ አቶ ኃይለ ማርያም ደሳለኝ የኢትዮጵያ ልዑካን በመምራት ወደ አስመራ ይጓዛሉ

ከሃያ ዓመታት በኋላ በኢትዮጵያና በኤርትራ መካከል የነበረው ጥላቻ በመወገዱ፣ ረቡዕ ሐምሌ 11 ቀን 2010 ዓ.ም. በሚደረገው የመጀመርያ በረራ በኤርትራ ፕሬዚዳንት ልዩ ግብዣ የተደረገላቸው የቀድሞው ጠቅላይ ሚኒስትር አቶ ኃይለ ማርያም ደሳለኝ በክብር እንግድነት የኢትዮጵያ ልዑካን በመምራት ወደ አስመራ ይጓዛሉ፡፡