Skip to main content
x

በሻሸመኔ ማረሚያ ቤት በተነሳ ቃጠሎ የሰው ሕይወት አለፈ

በኦሮሚያ ክልል ምዕራብ አርሲ ዞን ሻሸመኔ ከተማ ውስጥ በሚገኘው የምዕራብ አርሲ ዞን ማረሚያ ቤት ዓርብ የካቲት 9 ቀን 2010 ዓ.ም. ከጠዋቱ አንድ ሰዓት አካባቢ በተነሳ የእሳት ቃጠሎ፣ የአንድ ታራሚ ሕይወት ሲያልፍ በሦስት ታራሚዎች ላይ ጉዳት ደረሰ፡፡

የጠቅላይ ሚኒስትር ኃይለ ማርያም ደሳለኝ የስንብት ጥያቄ

ጠቅላይ ሚኒስትር ኃይለ ማርያም ደሳለኝ ሐሙስ የካቲት 8 ቀን 2010 ዓ.ም. ከኢሕአዴግ ሊቀመንበርነትና ከመንግሥት ኃላፊነት በራሳቸው ፈቃድ ለመልቀቅ ጥያቄ ማቅረባቸውን ማስታወቃቸው፣ የሰሞኑ አንዱ የአገሪቱ መነጋገሪያ አጀንዳ ሆኖ ሰንብቷል፡፡ የጠቅላይ ሚኒስትሩ ከሥልጣን የመሰናበት ጥያቄ አገሪቱ በገጠማት የፖለቲካ ቀውስ ምክንያት በመሆኑ፣ በሕዝቡ ውስጥ የተደበላለቁ ስሜቶች ተንፀባርቀዋል፡፡ ላለፉት ስድስት ዓመታት ያህል በኢሕአዴግ ሊቀመንበርነትና በጠቅላይ ሚኒስትርነት የሠሩት አቶ ኃይለ ማርያም፣ ለሦስት ዓመታት ያህል መቆም ባልቻለው የፖለቲካ ቀውስ ምክንያት በደረሰ ጉዳት በርካቶች በመሞታቸው፣ በመጎዳታቸውና ከቀዬአቸው በመፈናቀላቸው ሳቢያ ሥልጣን ለማስረከብ መገደዳቸው ታውቋል፡፡ 

አቶ በቀለ ገርባ ለሠላማዊ የሥልጣን ሽግግር እታገላለሁ አሉ

አቶ በቀለ ገርባ በሌሎች አገሮች እንደሚታየው ዓይነት ሠላማዊ የሥልጣን ሽግግርን በኢትዮጵያ ለማምጣት እታገላለሁ አሉ፡፡ የኦሮሞ ፌዴራሊስት ኮንግረስ ምክትል ሊቀመንበር አቶ በቀለ ገርባ ይህንን ያሉት ሪፖርተር ከእስር ከተፈቱ በኋላ ረቡዕ የካቲት 7 ቀን 2010 ዓ.ም. በመኖሪያ ቤታቸው ተገኝቶ ባነጋገራቸው ወቅት ነበር፡፡

ሰሞኑን የተቀሰቀሰው ተቃውሞና እያስከተለ ያለው ጉዳት

ወጣት ሌንሳ ገመቹ ተወልዳ ያደገችው በኦሮሚያ ክልል ፊኒፊኔ ልዩ ዞን ሱሉልታ ከተማ ሲሆን፣ ወላጆቿ ሁለት ልጆች ብቻ መውለዳቸውንና እሷ የመጨረሻ ልጅ እንደሆነች ትናገራለች፡፡፡ በ1994 ዓ.ም. የአሥረኛ ክፍል ብሔራዊ ፈተና ብትወስድም ውጤት እንዳልመጣላት ታስታውሳለች፡፡

ለአሰላ ብቅል ፋብሪካ ግዢ ከአንድ ቢሊዮን ብር በላይ ዋጋ ቀረበ

የኦሮሚያ ግብርና ኅብረት ሥራ ማኅበር የአሰላ ብቅል ፋብሪካን ከመንግሥት ለመግዛት 1.3 ቢሊዮን ብር የመግዣ ዋጋ አቀረበ፡፡ ሰኞ የካቲት 5 ቀን 2010 ዓ.ም. በመንግሥት ልማት ድርጅቶች ሚኒስቴር በተከፈተው ግልጽ ጨረታ፣ ከኅብረት ሥራ ማኅበሩ በተጨማሪ ሌሎች ሦስት ኩባንያዎች አብረው የመጫረቻ ዋጋቸውን አቅርበዋል፡፡ ሁለተኛውን ከፍተኛ ዋጋ ያቀረበው የባቫሪያ እህት ኩባንያ የሆነው ማልት አፍሪካ የተባለ ድርጅት ሲሆን፣ 42 ሚሊዮን ዶላር የግዢ ዋጋ አቅርቧል፡፡ ባቫሪያ የሐበሻ ቢራ አክሲዮን ማኅበር ከፍተኛ ባለአክሲዮን እንደሆነ ይታወቃል፡፡

በኦሮሚያ ክልል በተቀሰቀሰ ተቃውሞ በሰውና በንብረት ላይ ጉዳት ደረሰ

በኦሮሚያ ክልል ከሰኞ የካቲት 5 ቀን 2010 ዓ.ም. ጀምሮ እንደ አዲስ በተቀሰቀሰ ተቃውሞ የንግድና የትራንስፖርት እንቅስቃሴዎች በሙሉ ተገትተው ከመቆየታቸውም በላይ በሰው ሕይወትና በአካል ላይ ጉዳት ደርሷል፡፡ በንብረት ላይም ቀላል የማይባል ጉዳት መድረሱ ታውቋል፡፡

የኦሮሚያ ክልል አምስት በካይ ፋብሪካዎችን ዘጋ

ከአዲስ አበባ ዙሪያ 100 ኪሎ ሜትር ርቀት ውስጥ በኦሮሚያ ክልል ከተሞች የሚገኙ አምስት በካይ ፋብሪካዎች መዝጋቱን የኦሮሚያ ክልል የአካባቢ ጥበቃ፣ ደንና አየር ንብረት ለውጥ ባለሥልጣን አስታወቀ፡፡ የአዲስ አበባ ከተማ አስተዳደር አካባቢ ጥበቃ ባለሥልጣን በበኩሉ ከተማውንና ዙሪያውን የሚገኙ የኦሮሚያ አካባቢዎችን የሚበክሉ ፋብሪካዎችን ቢያግድም፣ ዕግዱ በጠቅላይ ሚኒስትር ጽሕፈት ቤት ትዕዛዝ ተነስቶ፣ ተጨማሪ የዕፎይታ ጊዜ ተፈቅዶላቸዋል፡፡

ኦሮሚያ ግብርና ኅብረት ሥራ ማኅበር ለአሰላ ብቅል ፋብሪካ ግዢ ከፍተኛውን ዋጋ ሰጠ

የኦሮሚያ ግብርና ኅብረት ሥራ ማኅበር አሰላ ብቅል ፋብሪካን ለመግዛት 1.34 ቢሊዮን ብር ዋጋ ሰጠ፡፡

ዛሬ የካቲት 5 ቀን 2010 ዓ.ም. በመንግሥት የልማት ድርጅቶች ሚኒስቴር በተከፈተው የጨረታ ሰነድ መሠረት ሦስት ድርጅቶች ተሳትፈዋል፡፡ እነርሱም ካሊፕሶ አግሪ ቢዝነስ፣ ሶፍሌት ኢትዮጵያ እንዲም ማልት አፍሪካ ናቸው፡፡

በሐረር ከተማ ሐማሬሳ በተፈጠረ ግጭት አራት ሰዎች ሕወታቸውን አጡ

በሐረር ከተማ ከሶማሌ ክልል የተፈናቀሉ ዜጎችን አስጠልሎ በሚገኘው የማሬሳ መጠለያ ጣቢያ ትናንት የካቲት 4 ቀን 2010 ዓ.ም. በወጣቶችና በፀጥታ አካላት መካከል በተፈጠረ ግጭት አራት ግለሰቦች መሞታቸውና አሥር ሰዎች ጉዳት እንደደረሰባቸው ታወቀ፡፡

ከሞቱት ውስጥ ሦስቱ በመጠለያ ጣቢያ ውስጥ ይኖሩ የነበሩ ሲሆን አንዱ ደግሞ የኦሮሚያ ፖሊስ አባል መሆኑ ታውቋል፡፡

አዳዲስ ውሳኔዎችን ያካተተው የኦሕዴድ ማዕከላዊ ኮሚቴ መግለጫ አንድምታ

የኦሮሚያ ክልል ከዘጠኝ ክልሎችና ከሁለት የከተማ አስተዳደሮች ሰፊ የቆዳ ስፋትና ከፍተኛ የሕዝብ ቁጥር አለው፡፡ የክልሉ የቆዳ ስፋት 284,538 ካሬ ኪሎ ሜትር ይሸፍናል፡፡ እ.ኤ.አ. በ2017 መረጃ መሠረት የክልሉ የሕዝብ ቁጥር 36 ሚሊዮን ነው፡፡ ክልሉ ከአገሪቱ ክልሎች የበለጠ ሰፊ የቆዳ ስፋት ያለው ከመሆኑ ባሻገር፣ ከጎረቤት አገሮች ጋር በቀጥታ በድንበር ይዋሰናል፡፡ በደቡብ አቅጣጫ ከኬንያና በምዕራብ በኩል ደግሞ ከሱዳን ጋር ወሰንተኛ ነው፡፡