Skip to main content
x

ሰበር የመጨረሻ ውሳኔ የሰጠበት የፍትሐ ብሔር መዝገብ አፈጻጸም ታግዶ በፎረንሲክ እንዲመረመር ትዕዛዝ ተሰጠ

በሥር ፍርድ ቤቶች ታይቶ መታረም እንዳለበት እየታወቀ ክርክሩ ሰበር ችሎት ድረስ ተጉዞ የመጨረሻ ውሳኔ የተሰጠበት የፍትሐ ብሔር ክርክር ሒደቱ ከተጠናቀቀ በኋላ አፈጻጸሙ ‹‹የሰነድ ማስረጃው በፎረንሲክ ተመርምሮ ይቅረብ›› የሚል ትዕዛዝ ታግዶ በሥር ፍርድ ቤት መሰጠቱ እያነጋገረ ነው፡፡

የቀድሞ የሶማሌ ክልል ፕሬዚዳንት ሁሉም ሲደመር እነሱ መቀነስ እንደሌለባቸው ተናገሩ

ቁጥራቸው በውል ባልታወቁ ሰዎች ግድያ፣ በከባድ የአካል ጉዳት፣ በሃይማኖት ተቋማት ቃጠሎ፣ በንብረቶች ውድመትና መፈናቀል ተጠርጥረው በእስር ላይ የሚገኙት የቀድሞ ሶማሌ ክልል ፕሬዚዳንት፣ ሁሉም በተደመረበት በዚህ ወቅት እነሱ መቀነስ እንደሌለባቸው ዓርብ ጥቅምት 9 ቀን 2011 ዓ.ም. ለፍርድ ቤት ተናገሩ፡፡

የአዲስ አበባ ወጣቶችን በማደራጀት የተጠረጠሩ የሕግ ባለሙያ ታስረው ጊዜ ቀጠሮ ተጠየቀባቸው

በተለያዩ ክፍላተ ከተሞች የሚገኙ የአዲስ አበባ ወጣቶችን በማደራጀት፣ ብጥብጥና ሁከት ለማስነሳት ሲንቀሳቀሱ ደርሼባቸዋለሁ ያላቸውን አንድ የሕግ ባለሙያና አንድ ሌላ ግለሰብ ጥቅምት 6 ቀን 2011 ዓ.ም. በቁጥጥር ሥር ማዋሉን የገለጸው የአዲስ አበባ ፖሊስ ኮሚሽን መርማሪ፣ መስከረም 8 ቀን 2011 ዓ.ም. ፍርድ ቤት አቀረባቸው፡፡ የጊዜ ቀጠሮም ጠይቆባቸው ተፈቅዶለታል፡፡

በቡራዩና ዙሪያው የወንጀል ድርጊት ተጠርጣሪዎች ላይ የሽብር ድርጊት ምርመራ እንዲቀጥል ውሳኔ ተሰጠ

ከአንድ ወር በፊት በቡራዩና ዙሪያው ከተፈጸመ ግድያ፣ አካል ጉዳትና ንብረት ውድመት ጋር በተያያዘ በቁጥጥር ሥር ውለው በእስር ላይ የሚገኙ ከ20 በላይ ተጠርጣሪዎች ላይ፣ ምርመራው መቀጠል ያለበት በሽብር ድርጊት ወንጀል መሆን እንዳለበት ፍርድ ቤት ውሳኔ ሰጠ፡፡

በቦምብ ፍንዳታ ተጠርጣሪው ላይ ፍርድ ቤት ከማስጠንቀቂያ ጋር የመጨረሻ ትዕዛዝ ሰጠ

ለጠቅላይ ሚኒስትር ዓብይ አህመድ (ዶ/ር) ድጋፍና ምሥጋና በመስቀል አደባባይ ሰላማዊ ሠልፍ በወጣው ሕዝብ ላይ የተፈጸመውን የቦምብ ጥቃት በማስተባበር ተጠርጥረው ላለፉት አራት ወራት በምርመራ ላይ በሚገኙት የብሔራዊ መረጃና ደኅንነት ተቋም ሹም አቶ ተስፋዬ ኡርጌን በሚመለከት፣ ፍርድ ቤት ለመርማሪ ፖሊስ ከማስጠንቀቂያ ጋር የመጨረሻ ትዕዛዝ  ሰጠ፡፡

አቢሲኒያ ባንክና ንብ ኢንሹራንስ በ9.3 ሚሊዮን ብር ዕዳ ተከሰሱ

የአዲስ አበባ ከተማ አስተዳደር የቁጠባ ቤቶች ልማት ኢንተርፕራይዝ፣ ኢቢሲኒያ ባንክንና ንብ ኢንሹራንስ ኩባንያ አክሲዮን ማኅበርን በ9.3 ሚሊዮን ብር ዕዳ ከሰሰ፡፡ ኢንተርፕራይዙ በባንኩና በኢንሹራንስ ኩባንያዎቹ ላይ ክስ የመሠረተው፣ አባስ ኮንስትራክሽን በሚባል ሥራ ተቋራጭ ለሚያስገነባቸው ባለስምንት ፎቅ ሦስት ብሎኮች የሰጡትን ዋስትና ተግባራዊ ባለማድረጋቸው መሆኑ ታውቋል፡፡

የኢትዮጵያ ሠራተኛ ማኅበራት ኮንፌዴሬሽን ፕሬዚዳንት ታስረው በዋስ ተፈቱ

የኢትዮጵያ ሠራተኛ ማኅበራት ኮንፌዴሬሽን (ኢሠማኮ) ፐሬዚዳንት አቶ ካሳሁን ፎሎ ታስረው በዋስ ተፈቱ፡፡ አቶ ካሳሁን ለእስር የተዳረጉት  ፍርድ ቤት በሚመሩት ተቋም ላይ ያሳለፈውን ውሳኔ እንዲፈጽሙ በተደጋጋሚ ሲጠየቁ ሊፈጽሙ ባለመቻላቸው፣ የፌዴራል የመጀመርያ ደረጃ ፍርድ ቤት ቂርቆስ ምድብ አንደኛ አፈጻጸም ችሎት ትዕዛዝ በመስጠቱ መሆኑ ታውቋል፡፡

በቡራዩ ከተማ የተፈጸመውን ወንጀል በማስተባበርና በገንዘብ በመርዳት የታሰሩ በሽብርተኝነት ተጠረጠሩ

በኦሮሚያ ልዩ ዞን ቡራዩ ከተማና አካባቢው ከመስከረም 2 ቀን 2011 ዓ.ም. ጀምሮ በተፈጸመ ግድያ፣ አካል ማጉደልና ንብረት ማውድም ወንጀል ገንዘብ በማከፋፈልና በማስተባበር ተሳትፈዋል ተብለው የታሰሩ ግለሰቦች በሽብርተኝነት ተጠረጠሩ፡፡

የቦምብ ፍንዳታ ተጠርጣሪዎች የሽብርተኝነት ክስ ተመሠረተባቸው

ሰኔ 16 ቀን 2010 ዓ.ም. በመስቀል አደባባይ በተፈጸመው የቦምብ ጥቃት የተጠረጠሩ አምስት ግለሰቦች የሽብርተኝነት ክስ ተመሠረተባቸው፡፡ በፌዴራል ከፍተኛ ፍርድ ቤት ልደታ ምድብ ተረኛ ወንጀል ችሎት ዓርብ መስከረም 18 ቀን 2011 ዓ.ም. ክሱን ያቀረበው ዓቃቤ ሕግ፣ የቦምብ ጥቃቱ የተፈጸመው ጠቅላይ ሚኒስትር ዓብይ አህመድ (ዶ/ር) ለመግደል መሆኑን በክሱ አስታውቋል፡፡