Skip to main content
x

አዲሱ የአስፈጻሚ አካላት አደረጃጀትና አዳዲስ ባህርያቱ

ጠቅላይ ሚኒስትር ዓብይ አህመድ (ዶ/ር) ወደ ሥልጣን ከመጡ ሁለተኛውን ሹምሽር አድርገውና የአስፈጻሚ አካላትን ብዛትም ቀንሰው ያቀረቡት አዋጅ ማክሰኞ ጥቅምት 6 ቀን 2011 ዓ.ም. በፓርላማው በሙሉ ድምፅ የፀደቀ ሲሆን፣ በአስፈጻሚው አካላት ቁጥርና አደረጃጀትንና በካቢኔ አወቃቀሩ ላይ በርካታ አዳዲስ ክስተቶች ተስተውለዋል፡፡

የጠቅላይ ሚኒስትሩ አዲሱ ካቢኔና አደረጃጀት

ማክሰኞ ጥቅምት 6 ቀን 2011 ዓ.ም. በሕዝብ ተወካዮች ምክር ቤት የአስፈጻሚ አካላትን ሥልጣንና ተግባር ለመወሰን የቀረበው ረቂቅ ላይ በስፋት ውይይት ተደርጎ ማብራሪያ ከተሰጠ በኋላ፣ የጠቅላይ ሚኒስትር ዓብይ አህመድ (ዶ/ር) አዲሱ ካቢኔ በሙሉ ድምፅ ይሁንታ አግኝቶ ፀድቋል፡፡

ጦላይ ታስረው የከረሙት የአዲስ አበባ ወጣቶች በሁለት ቀናት ውስጥ ይፈታሉ

ከአንድ ወር በላይ በጦላይ ወታደራዊ ማሠልጠኛ የከረሙት 1,174 የአዲስ አበባ ከተማ ወጣቶች፣ በሁለት ቀናት ውስጥ እንደሚፈቱ ተገለጸ፡፡ ከአዲስ አበባ ፖሊስ ኮሚሽን የተገኘው መረጃ እንደሚያመለክተው፣ ወጣቶቹ ሐሙስ ወይም ዓርብ እንደሚፈቱ ነው፡፡ ወጣቶቹ የታሰሩት ከየቤታቸው ታፍሰው ሳይሆን በጎዳና ላይ ነውጥ በማድረግ፣ ንብረት በማውደም፣ አካል በማጉደልና በፀጥታ ኃይሎች ላይ ድንጋይ በመወርወር ጉዳት በማድረሳቸው መሆኑን፣ የአዲስ አበባ ፖሊስ ኮሚሽን ወጣቶቹ ከታሰሩ ቀናት በኋላ መግለጹ ይታወሳል፡፡

ለተባበሩት ዓረብ ኤምሬትስ ኩባንያዎች በመሀል አዲስ አበባ 36 ሔክታር መሬት ተዘጋጀ

በጠቅላይ ሚኒስትር ዓብይ አህመድ (ዶ/ር) ትዕዛዝ የአዲስ አበባ ከተማ አስተዳደር፣ ለተባበሩት ዓረብ ኤምሬትስ ባለሀብቶች የሚሰጥ 36 ሔክታር መሬት አዘጋጀ፡፡፡ ይህ ሰፊ መሬት የተዘጋጀው በመሀል አዲስ አበባ ከተማ ከሚገኙ ክፍላተ ከተሞች አንዱ በሆነው ቂርቆስ ለገሃር ባቡር ጣቢያ አካባቢ ነው፡፡ የተባበሩት ዓረብ ኤምሬትስ አልጋ ወራሽ ሼክ መሐመድን ቢን ዛይድ የሚመራ የልዑካን ቡድን፣ በቅርቡ አዲስ አበባ ይገባል ተብሎ ይጠበቃል፡፡

የሚኒስትሮች ምክር ቤት ፓርላማ ሳያፀድቀው አስፈጻሚ አካላትን ማደራጀት የሚያስችለው ሥልጣን ተሰጠው

ማክሰኞ ጥቅምት 6 ቀን 2011 ዓ.ም. የተካሄደው የሕዝብ ተወካዮች ምክት ቤት የ4ኛ የሥራ ዘመን 2ኛ መደበኛ ስብሰባ ባፀደቀው የፌዴራል መንግሥት አስፈጻሚ አካላትን ለመወሰን የቀረበ ረቂቅ አዋጅን ሲያፀድቅ፣ ካሁን በፊት በአዋጅ ይደረግ የነበረው የአስፈጻሚ አካላትን የማደራጀት ሥልጣን በደንብ አማካይነት ማድረግ እንዲችል ለሚኒስትሮች ምክር ቤት ሥልጣን ሰጠ፡፡

የአዲስ አበባ ፀጥታ ተቋማትን አቀናጅቶ የሚመራ ቢሮ ሊቋቋም ነው

የአዲስ አበባ ከተማ አስተዳደር ምክትል ከንቲባ ታከለ ኡማ (ኢንጂነር) የከተማውን ሰላምና ፀጥታ አስተማማኝ ለማድረግ የፍትሕ ተቋማትን፣ የፖሊስ ኮሚሽንንና የደንብ ማስከበር አገልግሎትን በአንድ ላይ አቀናጅቶ የሚመራ ትልቅ ተቋም እንደሚደራጅ አስታወቁ፡፡፡

በቡራዩና ዙሪያው የወንጀል ድርጊት ተጠርጣሪዎች ላይ የሽብር ድርጊት ምርመራ እንዲቀጥል ውሳኔ ተሰጠ

ከአንድ ወር በፊት በቡራዩና ዙሪያው ከተፈጸመ ግድያ፣ አካል ጉዳትና ንብረት ውድመት ጋር በተያያዘ በቁጥጥር ሥር ውለው በእስር ላይ የሚገኙ ከ20 በላይ ተጠርጣሪዎች ላይ፣ ምርመራው መቀጠል ያለበት በሽብር ድርጊት ወንጀል መሆን እንዳለበት ፍርድ ቤት ውሳኔ ሰጠ፡፡

በቦምብ ፍንዳታ ተጠርጣሪው ላይ ፍርድ ቤት ከማስጠንቀቂያ ጋር የመጨረሻ ትዕዛዝ ሰጠ

ለጠቅላይ ሚኒስትር ዓብይ አህመድ (ዶ/ር) ድጋፍና ምሥጋና በመስቀል አደባባይ ሰላማዊ ሠልፍ በወጣው ሕዝብ ላይ የተፈጸመውን የቦምብ ጥቃት በማስተባበር ተጠርጥረው ላለፉት አራት ወራት በምርመራ ላይ በሚገኙት የብሔራዊ መረጃና ደኅንነት ተቋም ሹም አቶ ተስፋዬ ኡርጌን በሚመለከት፣ ፍርድ ቤት ለመርማሪ ፖሊስ ከማስጠንቀቂያ ጋር የመጨረሻ ትዕዛዝ  ሰጠ፡፡

አሥር ሴቶች የተካተቱበት የጠቅላይ ሚኒስትሩ አዲሱ ካቢኔ በፓርላማ ፀደቀ

የሕዝብ ተወካዮች ምክር ቤት ማክሰኞ ጥቅምት 6 ቀን 2011 ዓ.ም. የአስፈጻሚ አካላትን ሥልጣንና ተግባር ለመወሰን የቀረበው ረቂቅ አዋጅ ላይ ሰፊ ውይይት ካደረገ በኃላ፣ እስካሁን የነበሩትን 28 የሚኒስቴር መሥሪያ ቤቶች ወደ 19 በማጠፍ በሙሉ ድምፅ አፀደቀ፡፡ ከዛሬ ጀምሮ የጠቅላይ ሚኒስትር ዓብይ አህመድ (ዶ/ር) ካቢኔ ለመጀመሪያ ጊዜ አሥር የሴት ሚኒስትሮች ሲኖሩት፣ አዳዲስ የሚኒስቴር መሥሪያ ቤቶች ተዋቅረዋል፡፡