Skip to main content
x

ምንድነው የሚያናቁረን? ተስፋችንስ?

ከአንዳንድ የአገራችን ፖለቲከኞች አንደበት የሚገራርሙ ቃላትን እንሰማለን፡፡ ሰለተጀመረው ለውጥ ሲወሳልን ‹‹ለውጥ በትእምርተ ጥቅስ ይቀመጥልኝና. . .›› እንደተባለ ሁሉ፣ ‹‹ዛሬ ያየናቸው ዓብይ አህመድ በምክር ቤት አባልነታቸው ጊዜ ምነዋ ትንፍሽ ሲሉና ልዩነት ሲያመጡ አላየናቸው?›› የሚል ትዝብት ሽው ሲደረግ አድምጠናል፡፡

ብሔራዊ ቋንቋችን ነፃ ንግግር ነው

አገራችን ውስጥ በቅርብ ሩቅ ታሪክ ያልታየ የለውጥ ጉጉትና ተስፋ ተፈጥሯል፡፡ ለውጡም ብዙዎችን ያሰባሰበ የዕርቅና የይቅርታ ንቅናቄ አምጥቷል፡፡ ለውጡን የሚቀናቀኑና የሚጠራጠሩ ከዚያም በላይ በተለየ አሠላለፍ ውስጥ ገብተው የሚያጠቁም አሉ፡፡

እንዴት በይቅርታ እንሻገር?

በአገራችን ኢትዮጵያ እየተደረገ ያለው ለውጥ ማዕከል ካደረጋቸው መርሆዎች ውስጥ አንዱ ‹‹በፍቅር እንደመር በይቅርታ እንሻገር›› የሚል ነው፡፡ የዚህ መርህ ተናጋሪና በሕዝቡ ውስጥ ሰርፆ ዕውን እንዲሆን የመሪነቱን እርፍ የጨበጡት ጠቅላይ ሚኒስትር ዓብይ አህመድ (ዶ/ር) ናቸው፡፡

አገር ባለ ውለታነቷን የምታረጋገጥበት ሥርዓታችንን እንፈትሽ!

በአገራችን የተጀመረው ለውጥ ገና ከሴራና ከአሻጥር አደጋ ውስጥ ባይወጣም፣ ለውጡ በአገር ውስጥም በውጭ አገርም ቁርሾና ኩርፊያን፣ የጠላትነት ፖለቲካን እያፈረሰ፣ ዕርቅንና የፖለቲካ ድጋፍን እያበራከተ መቀጠሉ ዋናው አዝማሚያና አቅጣጫ፣ እንዲሁም ባህርይው ነው፡፡ የዴሞክራሲ ለውጡን የተጋፈጠው አደጋ ግን ቀላልና ለአፍታም ቸል የሚባል አይደለም፡፡

ችግራችንና ሕመማችን ምንድነው? መፍትሔውስ?

በውስብስብ የመንግሥት ግርሰሳ ውስጥ ያልገባ የለውጥ ብርሃን ሲፈነጥቅ ወደ ዴሞክራሲ ጉዟችን ለስላሳ የሚሆን መስሎን ተመስገን እንዳላልን፣ ዛሬ ይኼው በምዕራቡ ዓለም የዴሞክራሲ አስተሳሰቦችና ዴሞክራሲ ምን ያህል የደፋ ቀና ረዥም መሰናዶ እንደጠየቀ እንድናስታውስና መብት ተጠምተው በአፈና አገዛዞች ላይ የተነሱ የእኛ ቢጤ አገር ሕዝቦች ሲጨነግፉና ማረኝ አምባገነንት በሚያስብል የዕልቂት እሳት ውስጥ ሲገቡ እንዳየነው፣ እኛም ዕጣችን ወደዚያ ሊሆን ይሆን ብለን እንድንጠይቅ የተገደድንበት ምዕራፍ ላይ ደርሰናል፡፡

ዓብይም የአንቀጽ 34 ሥልጣን ይኑረኝ አሉ?!

ማክሰኞ ጥቅምት 6 ቀን 2011 ዓ.ም. ጠቅላይ ሚኒስትር ዓብይ አህመድ (ዶ/ር) የኢፌዴሪ አስፈጻሚው አካል ሥልጣንና ተግባር እንደገና ለመወሰን ተዘጋጅቶ የቀረበውን ረቂቅ ሕግ (አዋጅ) እና በዚህም መሠረት የአዲሱን የካቢኔያቸውን ዕጩዎች ሹመት ለሕዝብ ተወካዮች ምክር ቤት በቀረበበት የፓርላማ ውሎ፣ አዳዲስ የመነጋገሪያ ርዕሰ ጉዳዮችን ይዞ መጥቷል፡፡

ከሕግ በላይ ሆኖ ሕግ ማስከበር ብሎ ነገር የለም

ሕዝብ ራሱ በራሱ እያስተዳደረ ነውን? መንግሥታዊ ሥልጣን ከሕዝብ ሿሚነትና ጠያቂነት ጋር ተገናኝቶአልን? ሕዝብ ተወካዮቹን (ተወካዮች የሚባሉትን) ተወካዮች ደግሞ ራሳቸው አስፈጻሚውን መቆጣጠርና መግራት የቻሉበት አስተዳደር አለን? የሚሉ ጥያቄዎችን እንኳን በግልጽ መሰማት አልፈቅድ ብሎ የኖረው የኢትዮጵያ መንግሥት አፈናና ጭቆና፣ ኢዴሞክራሲያዊነትና ኢፍትሐዊነት ያኮማተራትን ቅስምና ሐሞት የሚያነቃቃ፣ የተዳፈነ ጆሮና ልቦናን መልሶ የሚከፍት ፖለቲካ ውስጥ መግባት የጀመረው ከ2010 ዓ.ም. መጋቢት የዓብይ አህመድ (ዶ/ር) አመራር በኋላ ነው፡፡

ኢትዮጵያ የመፈራረስ አደጋ የተደቀነባት አገር

"ፈንድ ፎር ፒስ" የተሰኘው ዓለም አቀፍ ተቋም ይፋ ያደረገው የመፈራረስ አደጋ የተደቀነባቸው አገሮች ሁኔታ አመላካች ዓመታዊ ሰነድ እንደሚጠቁመው፣ ኢትዮጵያ ያለፉትን ዓመታት እጅግ የከፋ የመፈራረስ አደጋ የተጋረጠባት አገር ሆና ነው የዘለቀችው፡፡