Skip to main content
x

የአዲስ አበባ ሰማይ ጠቀስ ሕንፃዎች ለግንባታ ፈቃድ ባለሥልጣን ፈተና ሆነዋል

ከጥቂት ዓመት ወዲህ በአዲስ አበባ ከተማ ሰማይ ጠቀስ ሕንፃዎች እየተገነቡ ቢሆንም፣ የአዲስ አበባ ከተማ አስተዳደር የግንባታ ፈቃድና ቁጥጥር ባለሥልጣን ለሕንፃዎቹ ራሱን ችሎ ፈቃድ የሚሰጥበትም ሆነ የሚቆጣጠርበት ደረጃ ላይ እንዳልደረሰ ተመለከተ፡፡ በአሁኑ ወቅት በአዲስ አበባ ከተማ 26 ሺሕ ሕንፃዎች በግንባታ ላይ መሆናቸውን፣ በዚህ ዓመት በማዕከል ደረጃ ለ500 ፕሮጀክቶች የግንባታ ፈቃድ መሰጠቱ ታውቋል፡፡

በትግራይና በኦሮሚያ ክልሎች ታስረው የነበሩ ከዘጠኝ ሺሕ በላይ ታራሚዎች ይቅርታ ተደረገላቸው

ግድያና ኢሰብዓዊ የወንጀል ተግባር ከፈጸሙ ተከሳሾችና ፍርደኞች በስተቀር፣ በተለያዩ የወንጀል ድርጊቶች ተከሰውና ፍርድ አርፎባቸው ለነበሩ 9,817 ተከሳሾች የትግራይና ኦሮሚያ ክልሎች መንግሥታት ይቅርታ አደረጉ፡፡ በትግራይ ክልል መንግሥት ይቅርታ የተደረገላቸው 2,206 ታራሚዎች ሲሆኑ፣ 45 ሴቶች መሆናቸውን የክልሉ ፍትሕ ቢሮ ኃላፊ አቶ አማኑኤል አሰፋና የክልሉ የፀጥታ አስተዳደር ቢሮ ኃላፊ አቶ ገብረ መስቀል ታረቀ ተናግረዋል፡፡

አቶ አንዳርጋቸው ጽጌና እነ አቶ መላኩ ፈንታን ጨምሮ 771 ሰዎች ከእስር ተፈቱ

በሽብርተኝነት የተፈረጀው የግንቦት ሰባት ድርጅት ምክትል ሊቀመንበር የነበሩት አቶ አንዳርጋቸው ጽጌና በሙስና ወንጀል ተጠርጥረው የተከሰሱት እነ አቶ መላኩ ፈንታን ጨምሮ፣ 771 ተከሳሾችና ፍርደኞች በይቅርታና ክስ በማቋረጥ ከእስር እንዲፈቱ ተደረገ፡፡

‹‹ላለፉት ዘጠኝ ዓመታት ተመሳሳይ ሪፖርት እያቀረብኩ ስለሆነ እንድትሰሙኝ እፈልጋለሁ›› ዋና ኦዲተር ገመቹ ዱቢሶ

ከተሾሙ አንስቶ ለዘጠነኛ ዓመታት ዓመታዊ የኦዲት ሪፖርታቸውን ለፓርላማ ያቀረቡት ዋና ኦዲተር ገመቹ ዱቢሶ፣ ለዘጠነኛ ዓመት ተመሳሳይ ሪፖርት እያቀረቡ መሆኑን በመጥቀስ የፓርላማ አባላት እንዲሰሟቸውና ግፊት እንዲያደርጉ ጠየቁ፡፡

በውጭ ምንዛሪ አቅርቦት ችግር አዲስ አበባ ከባድ የውኃ እጥረት ያጋጥማታል ተባለ

በውጭ ምንዛሪ አቅርቦትና አመዳደብ ችግር ምክንያት አዲስ አበባ ከተማ ከአንድ ዓመት በኋላ ከበድ ያለ የንፁህ ውኃ አቅርቦት ችግር ሊገጥማት ይችላል ተባለ፡፡ የአዲስ አበባ ከተማ አስተዳደር ውኃና ፍሳሽ ባለሥልጣን፣ ለኢትዮጵያ ብሔራዊ ባንክ 46 ሚሊዮን ዶላርና ስድስት ሚሊዮን ዩሮ ቅድሚያ ተሰጥቶት እንዲቀርብለት በተደጋጋሚ ቢጠይቅም ምላሽ እንዳልተሰጠው አስታውቋል፡፡

አገር በቀል አምራቾች ብሔራዊ ባንክ እነሱን ያገለለ ለውጭ ኩባንያዎች ብቻ የሚስማማ መመርያ ተግባራዊ ማድረጉን ተቃወሙ

የኢትዮጵያ ብሔራዊ ባንክ ከመስከረም ወር ጀምሮ ተግባራዊ ያደረገው የውጭ አቅራቢዎች የዱቤ ሽያጭ መመርያ፣ አገር በቀል አምራቾችንን ያገለለና የውጭ ባለሀብቶች እንደ ልባቸው ጥሬ ዕቃና ሌሎችም ግብዓቶችን ማስገባት እንዲችሉ የሚያስችላቸው ነው ሲሉ የአገር ውስጥ አምራቾች ተቃውሞ አሰሙ፡፡ በመመርያው መደናገጣቸውን በመግለጽ ጭምር አቤቱታቸውን ለመንግሥት አቅርበዋል፡፡

ኢትዮጵያና ሩዋንዳ የሁለትዮሽ ግንኙነታቸውን ለማጠናከር ተስማሙ

ጠቅላይ ሚኒስትር ዓብይ አህመድ (ዶ/ር) ወደ ሥልጣን ከመጡ ወዲህ የመጀመርያው የአገር መሪ በመሆን ለሦስት ቀናት ይፋዊ የሥራ ጉብኝት ኢትዮጵያን በመጎብኘት ላይ የሚገኙትን የሩዋንዳ ፕሬዚዳንት ፖል ካጋሜን፣ ዓርብ ግንቦት 17 ቀን 2017 ዓ.ም. በታላቁ ቤተ መንግሥት ተቀብለው አነጋገሩ፡፡ የሩዋንዳ ፕሬዚዳንት ሐሙስ ዕለት ምሽት አዲስ አበባ ሲገቡ፣ ጠቅላይ ሚኒስትር ዓብይን ጨምሮ ሌሎች ከፍተኛ ባለሥልጣናት በቦሌ ዓለም አቀፍ ኤርፖርት አቀባበል አድርገውላቸዋል፡፡

የዳንጎቴ ሲሚንቶ ሠራተኞች ግድያ ሰባት ተጠርጣሪዎች ተያዙ

በቅርቡ በዳንጎቴ ሲሚንቶ ሠራተኞች ላይ ከተፈጸመው የግድያ ወንጀል ጋር በተያያዘ ሰባት ተጠርጣሪዎች በቁጥጥር ሥር እንደዋሉ ታወቀ፡፡ የኦሮሚያ ክልል ፖሊስ በወንጀሉ የተጠረጠሩ ሰባት ግለሰቦችን በቁጥጥር ሥር እንዳዋለ ምንጮች ለሪፖርተር ተናግረዋል፡፡ ከተጠርጣሪዎቹ አንዱ የዳንጎቴ ሲሚንቶ የከባድ መኪና አሽከርካሪ እንደሆነ፣ የተቀሩት የአካባቢው ነዋሪዎች መሆናቸውን ምንጮች አክለዋል፡፡

ሲኖትራክ ለመግዛት የከፈሉትን ገንዘብ የተጭበረበሩ 98 ሰዎች የፍትሕ ያለህ እያሉ ነው

ከሁለት ዓመታት በፊት ዙና ትሬዲንግ ኃላፊነቱ የተወሰነ የግል ማኅበር፣ በሦስት ወራት ውስጥ ሲኖትራክ ገልባጭ መኪና ገዝቶ እንዲያስረክባቸው ተስማምተው ሙሉና ግማሽ ክፍያ ከከፈሉት በኋላ፣ መጭበርበራቸውን ያወቁ 98 ግለሰቦች የፍትሕ ያለህ እያሉ ነው፡፡ ግለሰቦቹ ግማሽ ክፍያና ሙሉ ክፍያ ፈጽመው ተሽከርካሪያቸውን ለመረከብ በመጠባበቅ ላይ እያሉ የማኅበሩ ባለቤትና ሥራ አስኪያጅ አቶ ዘሪሁን ጌታሰው ከአገር መውጣታቸውን እንደሰሙ፣ ያለውን ንብረትና ተሽከርካሪዎች እንዳይሸጡ፣ እንዳይለወጡና ለሦስተኛ ወገን እንዳይዘዋወሩ ክስ መሥርተው አሳግደው እንደነበር ይናገራሉ፡፡