Skip to main content
x

የመሬት ሊዝ ጨረታ ሳይወጣ ስድስት ወራት ተቆጠሩ

የአዲስ አበባ ከተማ አስተዳደር በየወሩ መሬት በሊዝ ለማስተላለፍ ጨረታ እንደሚያወጣ የደነገገ ቢሆንም፣ ላለፉት ስድስት ወራት አንድም የመሬት ሊዝ ጨረታ አልወጣም፡፡ በመሬት ልማትና ማኔጅመንት ቢሮ ሥር የሚገኘው የመሬት ባንክና ማስተላለፍ ጽሕፈት ቤት ለመጨረሻ ጊዜ የመሬት ሊዝ ጨረታ ያወጣው፣ ባለፈው ዓመት ነሐሴ 16 ቀን 2010 ዓ.ም. ነበር፡፡

በሻሸመኔ ማረሚያ ቤት በተነሳ ቃጠሎ የሰው ሕይወት አለፈ

በኦሮሚያ ክልል ምዕራብ አርሲ ዞን ሻሸመኔ ከተማ ውስጥ በሚገኘው የምዕራብ አርሲ ዞን ማረሚያ ቤት ዓርብ የካቲት 9 ቀን 2010 ዓ.ም. ከጠዋቱ አንድ ሰዓት አካባቢ በተነሳ የእሳት ቃጠሎ፣ የአንድ ታራሚ ሕይወት ሲያልፍ በሦስት ታራሚዎች ላይ ጉዳት ደረሰ፡፡

የጠቅላይ ሚኒስትር ኃይለ ማርያም ደሳለኝ የስንብት ጥያቄ

ጠቅላይ ሚኒስትር ኃይለ ማርያም ደሳለኝ ሐሙስ የካቲት 8 ቀን 2010 ዓ.ም. ከኢሕአዴግ ሊቀመንበርነትና ከመንግሥት ኃላፊነት በራሳቸው ፈቃድ ለመልቀቅ ጥያቄ ማቅረባቸውን ማስታወቃቸው፣ የሰሞኑ አንዱ የአገሪቱ መነጋገሪያ አጀንዳ ሆኖ ሰንብቷል፡፡ የጠቅላይ ሚኒስትሩ ከሥልጣን የመሰናበት ጥያቄ አገሪቱ በገጠማት የፖለቲካ ቀውስ ምክንያት በመሆኑ፣ በሕዝቡ ውስጥ የተደበላለቁ ስሜቶች ተንፀባርቀዋል፡፡ ላለፉት ስድስት ዓመታት ያህል በኢሕአዴግ ሊቀመንበርነትና በጠቅላይ ሚኒስትርነት የሠሩት አቶ ኃይለ ማርያም፣ ለሦስት ዓመታት ያህል መቆም ባልቻለው የፖለቲካ ቀውስ ምክንያት በደረሰ ጉዳት በርካቶች በመሞታቸው፣ በመጎዳታቸውና ከቀዬአቸው በመፈናቀላቸው ሳቢያ ሥልጣን ለማስረከብ መገደዳቸው ታውቋል፡፡ 

የአስቸኳይ ጊዜ አዋጁ ኮማንድ ፖስት የሚወስዳቸው ዕርምጃዎች ይፋ ተደረጉ

የሚኒስትሮች ምክር ቤት ዓርብ የካቲት 9 ቀን 2010 ዓ.ም. ለስድስት ወራት የሚቆይ የአስቸኳይ ጊዜ አዋጁ ካወጀ በኋላ፣ የአስቸኳይ ጊዜ አዋጁ ኮማንድ ፖስት  የሚወስዳቸው አሥራ ስምንት ዕርምጃዎች ይፋ ተደርገዋል፡፡

የኮሎኔል ደመቀ ዘውዱና የንግሥት ይርጋ ክስ ተቋረጠ

በወልቃይት ምክንያት በተፈጠረ ውዝግብና ግጭት የሽብር ወንጀል ክስ ተመሥርቶባቸው በሒደት ላይ የነበሩት ኮሎኔል ደመቀ ዘውዱና ንግሥት ይርጋ ክሳቸው ተቋረጠ፡፡ ከስምንት ዓመታት በፊት የዕድሜ ልክ እስራት ተፈርዶባቸው በማረሚያ ቤት የሚገኙት ብርጋዴር ጄኔራል ተፈራ ማሞ፣ ብርጋዴር ጄኔራል አሳምነው ጽጌ፣ ኮሎኔል ደምሰው አንተነህና ሌሎች ፍርደኞች በይቅርታ እንዲፈቱ፣ የፌዴራል ይቅርታ ቦርድ ወስኖ ለአገሪቱ ርዕሰ ብሔር ተላለፈ፡፡

ከእስር ተፈቺዎች ብሔር ተኮር ጥቃትና የንብረት ውድመት ያለምንም ቅድመ ሁኔታ እንዲቆም አሳሰቡ

በኢትዮጵያ እየታየ ያለው ብሔር ተኮር ጥቃትና የንብረት ውድመት ያለምንም ቅድመ ሁኔታ መቆም እንዳለበት፣ ሰሞኑን በይቅርታና ክስ በማቋረጥ ከእስር የተለቀቁ የፖለቲካ ፓርቲ አመራሮች አሳሰቡ፡፡ በኦሮሚያና በአማራ ክልሎች ከተከሰቱ ግጭቶችና ሁከቶች ጋር በተገናኘ ብሔር ተኮር ዕርምጃ በመውሰድ ሕይወት እንዲያልፍ፣ የአካል ጉዳት እንዲደርስና ንብረት በቃጠሎና በተለያዩ ምክንያቶች እንዲወድም ማድረግ ኢትዮጵያዊነትን የማይገልጽና የሚያመጣውም አመርቂ ውጤት ስለማይኖር፣ መወገዝ ያለበት ድርጊት መሆኑን አክለዋል፡፡

ሚድሮክ አጥሮ የያዛቸው 11 ቦታዎች ካርታ እንዲመክን ተወሰነ

በሳዑዲ ዓረቢያ በእስር ላይ የሚገኙት ሼክ መሐመድ አል አሙዲ በኩባንያዎቻቸው ተመዝግበው ለዓመታት ታጥረው የተቀመጡ 11 ቦታዎች ካርታ እንዲመክን፣ የአዲስ አበባ ከተማ አስተዳደር መሬት ልማትና ማኔጅመንት ቢሮ ውሳኔ አሳለፈ፡፡ የመሬት ልማትና ማኔጅመንት ቢሮ ውሳኔ፣ በከተማው አስተዳደር ካቢኔና በጠቅላይ ሚኒስትር ጽሕፈት ቤት ይሁንታ ካገኘ ተፈጻሚ እንደሚሆን ታውቋል፡፡

የብሔራዊ መረጃና ደኅንነት ሠራተኛ ከግብረ አበሮቹ ጋር በከባድ የማታለል ሙስና ወንጀል ተከሰሰ

የማይገባ ብልፅግና ለማግኘት በማሰብና የብሔራዊ መረጃና ደኅንነት አገልግሎት ሠራተኛነቱን በመቀጠም፣ ከግብረ አበሮቹ ጋር በመሆን ከባድ የማታለል የሙስና ወንጀል ፈጽሟል የተባለው የብሔራዊ መረጃና ደኅንነት አገልግሎት ሠራተኛ ክስ ተመሠረተበት፡፡

የአስቸኳይ ጊዜ አዋጁ ዝርዝር የአፈጻጸም መመርያ በቅርቡ ይፋ ይደረጋል ተባለ

የመከላከያ ሚኒስትሩ አቶ ሲራጅ ፈጌሳ ዛሬ የካቲት 10 ቀን 2010 ዓ.ም. በሰጡት ጋዜጣዊ መግለጫ፣ ለስድስት ወራት የሚቆየው የአስቸኳይ ጊዜ አዋጅ ማስፈጸሚያ ዝርዝር መመሪያ በቅርቡ ይፋ ይደረጋል አሉ፡፡

አዋጁ የወጣው በአገሪቱ እየታዩ ያሉ የፀጥታ ችግሮችንና የሰው ሕይወት መጥፋትን በመደበኛው የፀጥታ ማስከበር ሥራ ማስቆም ስላልተቻለ እንደሆነም ገልጸዋል፡፡

የአስቸኳይ ጊዜ አዋጅ ታወጀ

የሚኒስትሮች ምክር ቤት ዛሬ የካቲት 9 ቀን 2010 ዓ.ም. ባደረገው ስብሰባ በኢትዮጵያ ላልተገለጸ ጊዜ የሚቆይ የአስቸኳይ ጊዜ አዋጅ እንዲታወጅ ወሰነ፡፡

በአስቸኳይ ጊዜ አዋጁ ላይ ቀኑን ሙሉ ውይይት ሲያደርጉ የቆዩት የሚኒስትሮች ምክር ቤት አባላት ማምሻውን ነው አዋጁን ያፀደቁት፡፡

በአገሪቱ እየታየ ያለውን ሥርዓተ አልበኝነትና በግለሰቦችና በንግድ ተቋማት ላይ የሚደርስ ጥቃትን ለመከላከል ያስችል ዘንድ የአስቸኳይ ጊዜ አዋጁ መታወጁ ተገልጿል፡፡