Skip to main content
x

የኮንዶሚኒየም ቤቶችን ለማስተላለፍ የወጣው ዕጣ ተቃውሞ ቀረበበት

የአዲስ አበባ ከተማ አስተዳደር በ13ኛው ዙር የኮንዶሚኒየም የመኖሪያ ቤቶችን ለማስተላለፍ የዕጣ ሥነ ሥርዓት ካደረገ በኋላ፣ በተለያዩ የኦሮሚያ ከተሞች የተቃውሞ ሠልፎች ተደረጉ፡፡ የኦሮሚያ ክልል የአዲስ አበባ ከተማ አስተዳደርን ውሳኔ ተቃውሟል፡፡

የ40/60 የጋራ መኖሪያ ቤቶች ዕጣ ተመዝጋቢዎች መቆጠብ ያለባቸው የገንዘብ መጠን ይፋ ሆነ

የካቲት 27 ቀን 2011 ዓ.ም. ዕጣ በሚወጣባቸው 18,576 የ40/60 ባለ አንድ፣ ባለ ሁለትና ባለ ሦስት መኝታ ቤት የጋራ መኖሪያ ቤቶች ዕጣ ውስጥ የሚካተቱት ተመዝጋቢዎች፣ እስካሁን መቆጠብ ያለባቸው 40 በመቶ የገንዘብ መጠን ይፋ ሆኗል፡፡

 የ48 ሺሕ የጋራ መኖሪያ ቤቶች ግንባታ ሳይጀመር ግማሽ ዓመት ተጠናቀቀ

በተያዘው የበጀት ዓመት በአዲስ አበባ ከተማ 48 ሺሕ የጋራ መኖሪያ ቤቶች ግንባታ እንደሚጀመር ቢታቀድም፣ ግንባታው ሳይጀመር የበጀት ዓመቱ የመጀመርያው ስድስት ወራት ተጠናቀቁ፡፡ የአዲስ አበባ ከተማ ቤቶች ልማትና አስተዳደር ቢሮ የቤቶቹን ግንባታ ለማካሄድ አቅዶ የነበረው በቦሌ ክፍለ ከተማ፣ በቦሌ አራብሳ፣ በአቃቂ ቃሊቲ ክፍለ ከተማ፣ በኮዬ ፊጬ አካባቢዎች በሚገኙ ስምንት ሳይቶች ነበር፡፡

የአዲስ አበባ መሥሪያ ቤቶችን ቅርፅ የሚለውጥ መዋቅር ለምክር ቤት ቀረበ

የአዲስ አበባ ከተማ አስተዳደር 114 መሥሪያ ቤቶችን ቅርፅና ይዘት በከፍተኛ ደረጃ የሚለውጥ አዲስ መዋቅር ለከተማው ምክር ቤት ቀረበ፡፡ የአዲስ አበባ ከተማ አስተዳደር ምክር ቤት ቀኑ ካልተለወጠ በስተቀር በመዋቅሩ ላይ ተወያይቶ ውሳኔ ለማሳለፍ ለታኅሳስ 25 ቀን 2011 ዓ.ም. ተጠርቷል፡፡

በኢንሳ ሶፍትዌር ምክንያት የኮንዶሚኒየም ቤቶች ዕጣ ማውጫ ቀን ተራዘመ

ሥልጣን ከያዘበት ከሐምሌ 10 ቀን 2010 ዓ.ም. ጀምሮ በበርካታ ሥራዎች የተጠመደው አዲሱ የአዲስ አበባ ከተማ አስተዳደር ካቢኔ፣ በኢትዮጵያ መረጃ መረብ ደኅንነት ኤጀንሲ (ኢንሳ) የኮንዶሚኒየም ቤቶች ዕጣ ማውጫ ሶፍትዌር ላይ ችግር መኖሩን በማስተዋሉ፣ የቤቶችን ዕጣ ማውጫ ቀነ ገደብ ለማራዘም መገደዱን አስታወቀ፡፡

የኮንዶሚኒየም ተመዝጋቢዎች ቤታቸውን ራሳቸው እንዲገነቡ የሚያስችል ጥናት ተጀመረ

በ20/80 እና በ40/60 ቤቶች ግንባታ እየተፈተነ የሚገኘው የአዲስ አበባ ከተማ አስተዳደር በሒደት ከመኖሪያ ቤቶች ግንባታ በመውጣት፣ በአግባቡ እየቆጠቡ የሚገኙ ተመዝጋቢዎች የራሳቸውን ቤቶች እንዲገነቡ መሬት ማቅረብ የሚያስችል ጥናት ጀመረ፡፡

በሕገወጥ መንገድ የተያዙ 500 ቤቶች በዕጣ ሊከፋፈሉ ነው

የአዲስ አበባ ከተማ ቤቶች ልማት አስተዳደር ቢሮ ባደረገው ጥናት፣ በሕገወጥ መንገድ ተይዘው የነበሩ 500 ቤቶችን በማግኘቱ ዝቅተኛና መካከለኛ ገቢ ላላቸው ነዋሪዎች በዕጣ ሊያከፋፍል ነው፡፡ በምክትል ከንቲባ ታከለ ኡማ (ኢንጂነር) አዲስ ካቢኔ ውስጥ በመካተት የቤቶች ልማትና አስተዳደር ቢሮ ኃላፊ ሆነው የተሾሙት፣ ሰናይት ዳምጤ (ኢንጂነር) እንደተናገሩት፣ ከከተማ እስከ ወረዳ በተዘረጋ ጥናትና ክትትል እስካሁን 500 የጋራ መኖሪያ ክፍት ቤቶች፣ በሕገወጥ መንገድ የተያዙና ውል የሌላው ቤቶች ተገኝተዋል፡፡

የአዲስ አበባ ከተማ አስተዳደር በድጋሚ የመኖሪያ ቤቶች ቆጠራ እንዲካሄድ አዘዘ

የቀድሞ የአዲስ አበባ ከተማ አስተዳደር የኮንዶሚኒየምና የቀበሌ ቤቶች ቆጠራ ቢያካሄድም፣ በውጤቱ ያልረካው የአዲሱ ምክትል ከንቲባ ታከለ ኡማ (ኢንጂነር) ካቢኔ በድጋሚ ቆጠራ እንዲካሄድ ትዕዛዝ ሰጠ፡፡ 

የአዲስ አበባ ከተማ አስተዳደር በሒደት ራሱን ከመኖሪያ ቤቶች ግንባታ ውጪ እንደሚያደርግ አስታወቀ

በኮንዶሚኒየም ቤቶች ግንባታ እየተፈተነ የሚገኘው የአዲስ አበባ ከተማ አስተዳደር፣ በአጭር ጊዜ ውስጥ ከመኖሪያ ቤቶች ግንባታ እንደሚያወጣና ግንባታውን የግሉ ዘርፍ እንዲያካሂድ ማድረግ የሚያስችል አሠራር እንደሚዘረጋ አስታወቀ፡፡

ተሰናባቹ ከንቲባ ቀጣዩ አስተዳደር ሊያተኩርባቸው የሚገቡ ጉዳዮችን ጠቆሙ

ተሰናባቹ የአዲስ አበባ ከተማ አስተዳደር ከንቲባ አቶ ድሪባ ኩማ ሰኞ ሐምሌ 2 ቀን 2010 ዓ.ም. ለምክር ቤቱ ባቀረቡት የአምስት ዓመት የሥራ ዘመን ማጠቃለያ ሪፖርት፣ ቀጣዩ የከተማው አስተዳደር ነዋሪዎችን እያስጨነቁ የሚገኙ ችግሮች በተለይም ድህነት፣ ሥራ አጥነት፣ መልካም አስተዳደርና የመኖሪያ ቤት አቅርቦት ላይ ትኩረት ሊያደርግ እንደሚገባ አሳሰቡ፡፡