Skip to main content
x

የመሬት ሊዝ ጨረታ ሳይወጣ ስድስት ወራት ተቆጠሩ

የአዲስ አበባ ከተማ አስተዳደር በየወሩ መሬት በሊዝ ለማስተላለፍ ጨረታ እንደሚያወጣ የደነገገ ቢሆንም፣ ላለፉት ስድስት ወራት አንድም የመሬት ሊዝ ጨረታ አልወጣም፡፡ በመሬት ልማትና ማኔጅመንት ቢሮ ሥር የሚገኘው የመሬት ባንክና ማስተላለፍ ጽሕፈት ቤት ለመጨረሻ ጊዜ የመሬት ሊዝ ጨረታ ያወጣው፣ ባለፈው ዓመት ነሐሴ 16 ቀን 2010 ዓ.ም. ነበር፡፡

ሚድሮክ አጥሮ የያዛቸው 11 ቦታዎች ካርታ እንዲመክን ተወሰነ

በሳዑዲ ዓረቢያ በእስር ላይ የሚገኙት ሼክ መሐመድ አል አሙዲ በኩባንያዎቻቸው ተመዝግበው ለዓመታት ታጥረው የተቀመጡ 11 ቦታዎች ካርታ እንዲመክን፣ የአዲስ አበባ ከተማ አስተዳደር መሬት ልማትና ማኔጅመንት ቢሮ ውሳኔ አሳለፈ፡፡ የመሬት ልማትና ማኔጅመንት ቢሮ ውሳኔ፣ በከተማው አስተዳደር ካቢኔና በጠቅላይ ሚኒስትር ጽሕፈት ቤት ይሁንታ ካገኘ ተፈጻሚ እንደሚሆን ታውቋል፡፡

ትውልዱን ለአደጋ ያጋለጡት የአዲስ አበባ ሺሻ ቤቶች

የሺሻ ዕቃ እንደአሁኑ ሳይዘምን እንደ ዋንጫ በጌጠኛ ቁሶች ሳይጌጥ በፊት በኮኮናት ቅርፊትና ረዘም ባለ ቀሰም እንደ ነገሩ ተደርጎ ነበር የሚሠራው፡፡ በሰሜን ምዕራባዊ የህንድ ግዛቶች በተለይም በፓኪስታን፣ በራጃስታንና በጉጅራት ድንበሮች አካባቢ የሰፈሩ ህንዳውያን ያዘወትሩት እንደነበር መረጃዎች ያሳያሉ፡፡ በኮኮናቱ ቅርፊት ውስጥ ኦፒየምና ሀሺሽ ጨምረው ረዘም ባለው ቀሰም ወደ ውስጥ ይስቡታል፡፡ ሺሻ ለድሮ የህንድ የቤት እመቤቶች መዝናኛ ሲያልፍ ደግሞ የኑሮ ደረጃ ማሳያም ነበር፡፡

አዲስ ትኩረት ያገኘው የባህል መድኃኒት

ባደጉና በታዳጊ አገሮች ከሚኖሩት 7.6 ቢሊዮን ሰዎች መካከል 80 ከመቶ ያህሉ የባህል መድኃኒቶች ተጠቃሚ ናቸው፡፡ ከነዚህም መካከል 70 በመቶ የሚሆኑ ተጠቃሚዎች የሚገኙት በታዳጊ አገሮች መሆኑን የዓለም ጤና ድርጅት ከዓመታት በፊት ያወጣው መረጃ ያመለክታል፡፡

ክብር እና ዕውቅና የተቸራቸው አንጋፋዎቹ ፕሮፌሰሮች

ፕሮፌሰር ደምሴ ሀብቴ በአዲስ አበባ ዩኒቨርሲቲ የመጀመርያው ፕሮፌሰር ናቸው፡፡ በቀድሞው የቀዳማዊ ኃይለ ሥላሴ ዩኒቨርሲቲ የሕክምና ፋኩልቲ በአሁኑ ጤና ሳይንስ ኮሌጅ በ1972 ዓ.ም. ተባባሪ  ፕሮፌሰር፣ ከሦስት ዓመታት በኋላ ደግሞ ሙሉ ፕሮፌሰር ሆነዋል፡፡ በዩኒቨርሲቲው የፔዲያትሪክስና የቻይልድ ኸልዝ ዲፓርትመንት ኃላፊ ሆነው ከማገልገላቸውም በላይ የፋክልቲው ዲን ሆነው አገልግለዋል፡፡

የኢትዮጵያ አክሬዲቴሽን ጽሕፈት ቤት ዓለም አቀፍ ዕውቅና ይፋ ሆነ

የኢትዮጵያ አክሬዲቴሽን ጽሕፈት ቤት ዓለም አቀፍ ዕውቅና ማግኘቱን ይፋ አደረገ፡፡ ዕውቅናው ጽሕፈት ቤቱ የሚሰጣቸው ማንኛውንም ዓይነት አክሬዲቴሽን ያለምንም ቅድመ ሁኔታ በዓለም አቀፍ ደረጃ ተቀባይነት እንዲኖራቸው የሚያደርግ ነው፡፡ ዕውቅናውን ያገኘው በፍተሻ ላቦራቶሪ ‹‹iso 17025›› እና በሕክምና ላቦራቶሪ ‹‹iso 15189›› ዘርፎች ነው፡፡ በዓለም የሚገኙ የአክሬዲቴሽን ጽሕፈት ቤቶች የሚተዳደሩበትን ‹‹iso 17011›› ተግባራዊ ማድረጉ ከተረጋገጠ በኋላ ነው ዕውቅናው የተሰጠው፡፡

የእሳት አደጋ በቂርቆስ

በቂርቆስ ክፍለ ከተማ ወረዳ 11 ከገነት ሆቴል በስተጀርባ በሚገኘውና ‹‹ቂርቆስ ጤና ጣቢያ›› በመባል በሚታወቀው አካባቢ፣ ባልታወቀ ምክንያት ድንገተኛ የእሳት ቃጠሎ ማክሰኞ የካቲት 6 ቀን 2010 ዓ.ም. ከቀኑ ሰባት ሰዓት ላይ ተነስቶ ነበር፡፡ በእሳት ቃጠሎው ግምቱ ያልታወቀ ጉዳት መድረሱን፣ የድንገኛ አደጋዎች መከላከልና መቆጣጠር ባለሥልጣን የሕዝብ ግንኙነት ባለሙያ አቶ ንጋቱ ማሞ ገልጸዋል፡፡

ፕሮፌሰር ጣሰው ወልደሃና 12ኛው የአዲስ አበባ ዩኒቨርሲቲ ፕሬዚዳንት ሆኑ

የትምህርት ሚኒስቴር ፕሮፌሰር ጣሰው ወልደሃናን የአዲስ አበባ ዩኒቨርሲቲ ፕሬዚዳንት አድርጎ ሰየመ፡፡ የአዲስ አበባ ዩኒቨርሲቲ አመራር ቦርድ ጥር 10 ቀን 2010 ዓ.ም. ባደረገው ስብሰባ፣ ከመረጣቸውና ለትምህርት ሚኒስቴር ከላካቸው የመጨረሻ ሦስት ዕጩዎች  በቀለ ጉተማ ጀቤሳ (ፕሮፌሰር)፣ ጀይሉ ዑመር ሁሴን (ዶ/ር) እና  ጣሰው ወልደ ሃና ካህሳይ (ፕሮፌሰር) መካከል  ነው ፕሮፌሰር ጣሰው ሊሰየሙ የቻሉት፡፡

ጥቁር አንበሳ ሪፈራል ሆስፒታል ለካንሰር ሕክምና የልህቀት ማዕከልነት ታጨ

በአዲስ አበባ ዩኒቨርሲቲ ጤና ሳይንስ ኮሌጅ የጥቁር አንበሳ ሪፈራል ሆስፒታል የካንሰር ሕክምና የልህቀት ማዕከል እንዲሆን ታጨ፡፡ ለተግባራዊነቱም ጉዳዩ ከሚመለከታቸው ዓለም አቀፍና አገር አቀፍ የሕክምና ተቋማት የተውጣጡ ከፍተኛ ባለሙያዎች የተሳተፉበት ግብረ ኃይል መቋቋሙን የፒፕል ቱ ፒፕል አመራሮች አስታወቁ፡፡ ሆስፒታሉ ወደ አጠቃላይ የካንሰር ሕክምና ማዕከል ከተለወጠ ለካንሰር ታካሚዎች ምርመራና እስከ መጨረሻው ድረስ የሚዘልቅ ሕክምና ለመስጠት የሚያስችል አቅም እንደሚኖረው አመራሮች ለሪፖርተር ገልጸዋል፡፡

ምላሽ ያጣው የላብ አደሮች ዕሮሮ

የሳሙና ማስቀመጫ በምታህለው ትንሿ ምሳ ዕቃዋ የያዘችውን ቀይስር የተቀላቀለበት አልጫ ምግብ ከጓደኛዋ ጋር የሆድ የሆዳቸውን እያወሩ መብላት ይዘዋል፡፡ አበላላቸው እንደተራቡ ሳይሆን ምግቡ እንደሰለቻቸው ሁሉ ቆንጠር ቆንጠር እያደረጉ ነው፡፡ ለነገሩ አቀማመጣቸውና ያሉበት ቦታ እንኳንስ ምግብ አጣጥሞ ለመጉረስ ለአፍታ ያህል ቆም ለማለትም ከባድ ነው፡፡ በአካባቢው ለሚያልፉ መንገደኞች እንኳ ፈፅሞ አይመችም፡፡