Skip to main content
x

ሙስናን በጥበብ መዋጋት

ፒላቶ በሚል የመድረክ ስሙ የሚታወቀው ዛምቢያዊው አቀንቃኝ ፉምባ ቻማ የዛምቢያውን ፕሬዚዳንት ኤድጋር ሉንጉና የፖለቲካ ፓርቲያቸውን የሚተች ‹‹ኮስዌ ሙምፓቶ›› የተሰኘ ዘፈን የለቀቀው በቅርቡ ነበር፡፡ ‹‹በማሰሮ ውስጥ ያለ አይጥ›› የሚል ትርጓሜ ያለው ዘፈኑ እንደተለቀቀ በመላው አገሪቱ ይደመጥ ጀመር፡፡ በዘፈኑ፣ የአገሪቱ ፖለቲከኞች እንደ አይጥ ምግብ ብቻ ሳይሆን የማይጠቅሙ ነገሮችንም ከሕዝቡ እየሰረቁ መሆኑን ይገልጻል፡፡ ዘፈኑ በሬዲዮና ቴሌቭዥን ከመቅረቡ ባሻገር ፒላቶ በተለያዩ መድረኮች እንዲያቀነቅነው ተጠይቋል፡፡ ነገሩ ያልተዋጠላቸው የአገሪቱ አመራሮች ዘፈኑ በመገናኛ ብዙኃን እንዳይሰራጭና ፒላቶም ኮንሰርቶቹን እንዲሰርዝ ትዕዛዝ አስተላለፉ፡፡

ጥበብን ገበያ ለማውጣት

እጁ የተቆረጠው ታጋይ በወደቀበት እስከ ወዲያኛው አሸልቧል፡፡ ሕይወቱን በጦርነት ስለማጣቱ ከጎኑ የተተከለውና በውድቀቱ ያነሳው ባንዲራ ምስክር ነው፡፡ አገሪቱን ከወራሪው ጣሊያን ለመታደግ ራሳቸውን መስዋዕት ያደረጉ የዐድዋ ጀግኖች የከፈሉትን ዋጋ ማስታወስ የሚል መልዕክት ያለውን ክዋኔ የተጫወተው የ24 ዓመቱ ወንዱ ጉዲሳ ነው፡፡