ኢትዮጵያ በዓለም የቤት ውስጥ አትሌቲክስ ሻምፒዮና የተሠለፈችባቸውን ወርቃማ ድሎች ያጎናጸፏት ጥቂት አትሌቶች መሆናቸው መዛግብት ያስረዳሉ፡፡ ከተመሠረተ ከሦስት አሠርታት በላይ ባስቆጠረው የዓለም የቤት ውስጥ አትሌቲክስ ሻምፒዮና፣ ስማቸው የሚጎላው አትሌቶች ኃይሌ ገብረ ሥላሴ፣ መሠረት ደፋር፣ ገለቴ ቡርቃ  እንዲሁም የአሁኖቹ ገንዘቤ ዲባባ፣ ዮሚፍ ቀጀልቻና ሳሙኤል ተፈራ ዋነኞቹ ናቸው፡፡

የዓለም አቀፍ አትሌቲክስ ፌዴሬሽኖች ማኅበር (አይኤኤኤፍ) በተለያዩ የአውሮፓና የአሜሪካ ከተሞች የሚያከናወነውንና ዘንድሮ ለሦስተኛ ጊዜ በሚካሄደው የቤት ውስጥ የአትሌቲክስ ውድድር ኢትዮጵያውያኑ ገንዘቤ ዲባባና ሐጎስ ገብረ ሕይወት በ1,500 ሜትርና በ3,000 ሜትር አሸናፊዎች ሆነዋል፡፡