Skip to main content
x

በባሮ ቱምሳ መንገድ ከክፍልፋይነት አዘቅት ውስጥ መውጣት

መቋሰልን ሊያፈልቁ የሚችሉ ትልልቅ የብሔርተኛ ቀዳዳዎችን እስካልዘጋን ድረስ ስሜታችንን ብናስታርቅም፣ ተመልሰን የመናቆር ወጥመዶች ውስጥ መግባታችን አይቀርም፡፡ እንዲያውም እነሆ ዛሬ የትርምስና የሰዎችን በገፍ የመፈናቀል ጣጣዎችን ማስቆም ባለመቻላችን፣ ዕርዳታ ፈላጊነትና ረሃብተኝነት ‹‹በአዲስ መልክ›› ኢትዮጵያ ውስጥ ሥራ ጀምሮ የጌዴኦን ፈተና ይዞልን መጥቷል፡፡

ከተቀረቀርንበት ጉድጓድ እንዴት እንውጣ?

ዛሬም መማረር ታመመ እንጂ ገና ነፍሱ አልወጣም ለምን? የሕወሓት ኢሕአዴግ ብልጣ ብልጥ አገዛዝና የክልል ገዥዎች ‹‹ተለጣፊነት››፣ ወዲያውኑ ፈጦ የወጣና ማንም ተራ ሰው የማይደናገርበት እውነታ ሆኖ ሳለ፣ አንድ ላይ ተያይዞ መነሳት እንደምን ተሰለበን? የአገዛዙ ሸረኛና ፖሊሳዊ ጥርነፋ፣ ለውጥ ፈላጊዎች ለመተባበር ካደረጉት ጥረት በልጦ፣ ብሔረተኛ አስተሳሰብና አገዛዝ ደጋፊዎቹንም ተቃዋሚዎቹንም በጥላቻ ስሜት እየመረዘ አዕምሮና ማኅበራዊ ግንኙነታቸውን ለመከታተፍ ከሩብ ምዕት ዓመት በላይ ዕድሜ ማግኘቱ ዋናው ምክንያት ነው፡፡

ተረጋግቶ የመኖር ብርቅነት እንደምን ያብቃ?

የዱር እንስሳት የአዳኝነትና የታዳኝነት ዓለም የሚነግረን፣ ኅብረት ውጤት አምጪና ዕድሜ ቀጣይ መሆኑን ነው፡፡ ብቻውን የሮጠ አድኖ ነፍሱን ለማቆየት ይከብደዋል ወይም ታድኖ ለመበላት ይጋለጣል፡፡ የዛሬው የእኛ ዓለምም ብንወድም ብንጠላም ዕጣ ፈንታችንን አንድ ላይ አስተሳስሯል፡፡

ዴሞክራሲያችን ለየትኛውም ቡድን ሳይወግን የሚያገለግል አውታረ መንግሥት ይሻል

ላለፉት 11 ወራት ብቻ ሳይሆን ከዚያም በፊት ከጎደለን፣ ኢትዮጵያን ካጎደሏት ነገሮች መካከል አንዱና ዋነኛው ኢወገናዊ በሆኑ ተቋማት ላይ ዴሞክራሲን ለማቋቋም አለመቻላችን መሆኑን፣ በተለይም በዚህ ጋዜጣ በዚህ ዓምድ ደግመን፣ ደጋግመን አውርተናል፣ ተናግረናል፣ ጽፈናል፡፡ ባለፉት 27 ዓመታት ውስጥ በተለይም ከመጋቢት 24 ቀን 2010 ዓ.ም.

ዕድል የማበላሸት ልማዳቸውን አበላሽተው አያውቁም እንዳንባል

ከጥላቻ ፖለቲካ ውስጥ እንውጣ፣ በዕርቅ እንተቃቀፍ፣ ወገንተኛ ባልሆኑ አውታራት ላይ ዴሞክራሲን እንገንባ፣ ማንነትን፣ በተለይም ብሔራዊ ማንነትን ከኢትጵያዊነት ጋር እናግባባ፣ እንደ አገር ህልውናን በሚወስኑ የቀጣናችንና የአኅጉራችን አሳሳቢ ጉዳዮች ላይ እናተኩር፣ በአጠቃላይ በውስጧ ሰላም የሆነች፣ ከሌሎችም ጋር በሰላም የምትኖር እውነተኛ ፌዴራላዊ ዴሞክራሲያዊ ሪፐብክ ኢትዮጵያን እንገንባ ብሎ የተነሳውና ጠቅላይ ሚኒስትር ዓብይ አህመድ (ዶ/ር) የሚመሩት ለውጥ እነሆ መጋቢት 24 ሲመጣ አንድ ዓመት ይሞላዋል፡፡

ለፖለቲካው ስኬት ኢኮኖሚውም ስንቅ መሆኑ አይዘንጋ

የፖለቲካ ብልሽት ኢኮኖሚንና የኢኮኖሚ ልማትን ያጎሳቁላል፡፡ የኢኮኖሚ ልማት መሳካት ለፖለቲካ ሰላም ስንቅና መሠረት ይሆናል፡፡ የሁለቱን ተወራራሽነት በተረዳ ዕይታ ዛሬ አገራችን ያለችበትን እውነታ መመርመር፣ በፖለቲካና በኢኮኖሚ አወቃቀራችን ውስጥ ያሉ ገመናዎችን፣ በልማት ጥረቶቻችን ውስጥ የደረሱ ወድቀቶችንና ስኬቶችን ለይቶ ማወቅ፣ የድክመቶቻችንና የውድቀቶቻችንን ምክንያቶች መረዳት፣ ተረድተንም እንደምን ልንወጣቸው እንደምንችል አጥንቶ ወደ አራሚ ተግባር መሸጋገር ያስፈልገናል፡፡

ችግሩ ከተራ ‹‹አስቸኳይ የነዳጅ እጥረት›› በላይ እንዳይሆን!

የአገራችን ገበሬ ዛሬም ‹‹አሁን ማን ያውቀዋል የማረሻን ለዛ!›› እያለ ማንጎራጎርና ማድነቁ ባይቀርም እህል ለመቅመስ፣ ከንፈርን ለማውዛት (አሁን ማን ያውቀዋል የማረሻን፣ የሞፈሩን ለዛ፣ እህል ካልቀመሱ ከንፈርም አይወዛ አይደል የሚባለው?) ማረሻና ሞፈርን ማገናኘት ትርጉም እንዲኖረው ለማድረግ፣ ነዳጅ ያን ያህል የሚዘፈንለትና የሚዘመርለት ሸቀጥ ሆኗል፡፡